نوجوان کو زندہ جلانے کی کوشش

ناندیڑ: ۲۷؍اکتوبر (اعتمادنیوز)ناندیڑ شہر کے سڈکو علاقہ میں ایک نوجوان کو کیروسین چھڑک کر زندہ جلانے کی کوشش کی گئی ۔ پولس پریس نوٹ کے مطابق گزشتہ دوپہر ۱۲؍بجے کے قریب راہول نگر سڈکو کے رہنے والے ارون سون کامبڑے (۳۱سال ) کو شاہو نگر بودھ مندر کے پاس باڑو سوڑنکے ، شانتا بائی سوڑنکے، بارکی سوڑنکے ، چندی سوڑنکے تمام



ساکنان راہول نگر سڈکو نے روک کر اس سے پیسے کا مطالبہ کیا ۔ پیسے نہ دینے پر باڑو سوڑنکے نے ارون کے جسم پر کیروسین چھڑک کر اُسے آگ لگادی اور اُسے زندہ جلانے کی کوشش کی ۔ ارون سون کامبڑے کی شکایت پر مذکورہ چاروں ملزمین کے خلاف اقدام قتل کا مقدمہ سڈکو پولس اسٹیشن میں درج کیا گیا ہے ۔ معاملے کی تحقیقات پی ایس آئی راکھ کررہے ہیں ۔